Plataforma Galega para a Defensa das Enxeñarías Informáticas » Alumnos FIC

O IEEE propón a creación de licenzas para os Enxeñeiros de Software

Alumnos FIC — Tue, 10 Nov 2009 13:04:09 +0000

En USA, o IEEE saiu ó paso da problemática que sofren as nosas profesións cunha idea que levaba xa tempo na mente de moitos Enxeñeiros e Enxeñeiros Técnicos en Informática, a creación dunhas lizenzas para os Enxeñeiros do Software.

A noticia mais ampliada aqui.

Aprobación final no congreso das PLs de creación dos Consellos Xerais dos Colexios Profesionais

Alumnos FIC — Thu, 15 Oct 2009 09:45:13 +0000

No Congreso dos Diputados acordouse por unanimidade aprobar as Propostas de Lei de creación dos Consellos Xerais de Colexios de Enxeñeiros e Enxeñeiros Técnicos en Informática e para esto acordouse refundir os textos propostos polo Grupo Socialista e polo Grupo Popular, incluindo a modificación do regulamento de funcionamento do CATSi para a inclusión dos Colexios de Enxeñeiros e Enxeñeiros Técnicos en Informática.

Agora as PLs pasarán ó senado e se non hai modificacións serán definitivamente aprobadas.

O Goberno responde a pregunta formulada por IU sobre a regulación das atribucións profesionais

Alumnos FIC — Thu, 01 Oct 2009 15:55:46 +0000

O goberno respondeu a pregunta formulada por IU acerca de cando e como pensa regular as atribucións profesionais dos Enxeñeiros Técnicos en Informática, crear un Consello Xeral de Colexios e regular as fichas e titulacións de Grado e Máster neste ámbito.
Aquí podese ler a pregunta_iu formulada e a resposta_goberno do goberno.

Publicadas no BOE as fichas competenciais para as titulacións de Enxeñeiro e Enxeñeiro Técnico en Informática

Alumnos FIC — Wed, 05 Aug 2009 08:44:47 +0000

Tras unha dura loita por parte de todos os integrantes das Enxeñerías e Enxeñerías Técnicas en Informática, desde os docentes ata os profesionais, pasando, como non, polos alumnos, que sairon todos xuntos ás rúas, como un só e gran colectivo, facendo todo o que estivo ao alcance de cada un dentro das súas posibilidades, onde cada persoa presente en cada mobilización foi tan imprescindible coma o que estaba nun despacho redactando unha queixa formal, ou facendo un cartaz, a día de hoxe pódese dicir que a primeira gran batalla librada caeu do lado dos Enxeñeiros e Enxeñeiros Técnicos.

No BOE do 4 de agosto exponse o Acordo do Consello de Universidades sobre as condicións que deben cumplir os títulos universitarios de Enxeñeiro e Enxeñeiro Técnico en Informática.

BOE-A-2009-12977

Só queda, pois, a máis dura, longa e difícil batalla por liberar, e non é outra que o Goberno nos recoñeza como os Enxeñeiros que somos, e nos iguale co resto das Enxeñarías, xa que é un dereito que temos por denominación, e ata o día de hoxe, debido á xuventude da Profesión-Titulación, non se nos recoñeceu.

Hoxe, máis ca nunca

¡REGULACIÓN DA NOSA PROFESIÓN!

¡¡¡¡¡¡¡¡¡¡¡¡¡¡¡¡¡¡¡ XA !!!!!!!!!!!!!!!!!!!!!!

Os Decanos das Facultades e Escolas das Enxeñerías Informáticas ven Próxima a Regulación Profesional dos Enxeñeiros

Alumnos FIC — Sat, 18 Jul 2009 11:08:09 +0000

Valencia, 17 xul.-

A presidenta da Conferencia de Decanos e Directores de Informática (CODDI), María Ribera, asegurou hoxe que a regulación da profesión de enxeñeiro informático, a única das enxeñerías tradicionais que non ten atribucións recoñecidas, será realidade “en breve”.

Según fontes da Universitat Politécnica de Valencia (UPV), Ribera realizou estas declaracións durante a reunión da comisión permanente da entidade, celebrada hoxe no centro universitario.

Ribera explicou que neste momento está en trámite no Congreso dos Diputados unha proposta de ley para a creación doi Consello de Colexios de Enxeñería Informática, que conta co apoio de tódolos grupos da cámara.

“Cuando salga adelante esta propuesta y se cree el Consejo de Colegios, podremos entrar a definir las atribuciones profesionales de los ingenieros informáticos y equipararnos así con el resto de ingenierías”, indicou.

Además, comentou que a informática

“tiene un impacto directo en actividades muy importantes de la vida cotidiana, como la salud, la seguridad y la protección de datos”,

e engadiu que

“los profesionales que las lleven a cabo deben estar altamente cualificados para garantizar la calidad exigible”.

Durante o encontro, decanos e directores das universidades españolas valoraron tamén os novos títulos de grado e máster en Enxeñería Informática, adaptados ó Espazo Europeo de Educación Superior (EEES), e aseguraron que supon

“un importante avance para alcanzar un trato similar al resto de las ingenierías”.

A CODDI está constituida polos responsables das ochenta escolas e facultades que imparten estos estudos e que acollen a cerca de 90.000 alumnos, o colectivo de estudiantes máis numeroso de tódalas enxeñerías en España.

(Nova obtida de: http://www.abc.es/agencias/noticia.asp?noticia=52727 )

Apoio Unánime do Parlamento Galego á Regulación das Enxeñarías en Informática

Alumnos FIC — Wed, 24 Jun 2009 12:00:33 +0000

PP, PSOE e BNG aprobaron no pleno desta mañá a proposición non de lei para instar ao Goberno do Estado á tramitación e aprobación dunha lei na que se regulen as titulacións e atribucións profesionais das Enxeñarías en Informática.

Partido Popular, Partido Socialista e Bloque Nacionalista Galego manifestaron o seu apoio unánime á regularización das Enxeñarías en Informática coa aprobación da iniciativa presentada polo Grupo Parlamentario Popular. Ademais, os tres grupos acordaron introducir na proposición non de lei a relevancia de “escoitar as necesidades do sector” no proceso de regulación.

A solicitude ao Goberno central dunha lei para a creación do Consello Xeneral de Colexios Profesionais de Enxeñería en Informática foi outro dos aspectos debatidos. Neste caso, PPdeG e BNG votaron a favor e o PSdeG abstívose, ao estar tramitándose xa esta iniciativa no Congreso.

A noticia ampliada na seguinte dirección:

Apoio do Parlamento Galego á regulación da profesión

Tamén na páxina da FIC.

Aprobada a PL de creación do CCII

Alumnos FIC — Tue, 26 May 2009 18:44:56 +0000

Tras un período de suspense por parte do goberno, conseguiuse que se aceptara a PL para a creación do CCII, un primeiro paso para a obtención da regulación da profesión, establecendo así as atribucións profesionais correspondentes os Enxeñeiros Infomaticos e os Enxeñeiros Técnicos Informáticos.

A información detallada pódese consultar na seguinte dirección ou en La Voz de Galicia.

Os vídeos podedes velos aquí:

O PSOE pide no Congreso a creación do Consello Xeral de Colexios Oficiais de Enxeñaría Informática

Alumnos FIC — Thu, 23 Apr 2009 15:04:17 +0000

O grupo socialista presentou hoxe no Congreso proposicións de Lei para a creación do Consello Xeral de Colexios Oficiais de Enxeñaría en Informática e Enxeñaría Técnica en Informática, servindo así como medio interlocutor autorizado co Executivo para resolver problemas da profesión, tales como, a día de hoxe e en primeira instancia, a regulación das mesmas.

Pódese consultar a noticia detallada no seguinte enlace:

http://www.hoytecnologia.com/noticias/PSOE-pide-Congreso-creacion/107401

A LOITA SEGUE, AGORA POLA TELEMÁTICA

Alumnos FIC — Thu, 16 Apr 2009 16:04:42 +0000

Tras revisar as fichas da Enxeñaría Técnica en Telecomunicacións pódese ver que as competencias sobre a telemática reflíctense nelas. É a telemática un campo exclusivo dos Enxeñeiros Técnicos en Telecomunicacións? Non fai falta ser unha eminencia na materia para decatarse de que NON. É increble, que tras as protestas e reclamacións que se están a levar a cabo, aínda existan feitos de este tipo.

Se aínda hai alguén que dubida do FRAUDE ao que o goberno está a someter ás Enxeñarías en Informática, aquí preséntase unha proba máis de que isto é algo real, e necesitamos de toda a axuda e apoio posible. Neste link podedes consultar a nova detallada.

Que ninguén se relaxe nin dé esta loita por parada ou finalizada, pois queda aínda unha longa guerra por librar en pequenas batallas coma as que se levan visto ata hoxe.

E unha vez máis:

¡A LOITA CONTINUA, NON NOS RENDEREMOS, XAMAIS SEN LOITAR E SEN FACERNOS ESCOITAR!

O GOBERNO SEGUE TENTANDO ELIMINARNOS

Alumnos FIC — Mon, 06 Apr 2009 09:35:31 +0000

Na páxina web do Ministerio de Economía publicouse o acordado no pasado Consello de Ministros sobre as modificacións de diversas leis para a súa incorporación á Directiva Europea de Servizos, que podedes ver aquí. Xa que o servidor do Ministerio soe estar caído, aquí están os documentos:

As observacións e comentarios pódense remitir á seguinte dirección de correo electrónico ata o 20 de abril:

audiencia.leyomnibus@meh.es

A regulación das profesións que nos interesan NON ESTÁN no documento Ómnibus e este é o documento referenciado na PNL do Senado e no acordo do Consello de Universidades. Queda claro que é un momento crucial no proceso que seguimos e tamén é momento de recordar o compromiso da creación dunha Comisión Mixta para abordar a regulación da profesión.

A CODDI ten plenario o día 16 de abril en A Coruña, polo que se solicitou á directiva, da cal é secretario Alberto Valderruten (Decano da FIC), que intentase a levar un borrador de alegacións. Deste xeito, aprobaríase para presentalas antes do 20 de abril, que é cando remata o prazo de alegacións.

Sería moi bo presentar unhas alegacións firmadas pola CODDI, os Colexios, as Asociaciones de Informática e todos os organismos e asociacións de empresas que quixeran adherirse e, se isto non é posible, polo menos que cada organización presente unhas alegacións similares, para presionar neste sentido a un tempo. Desde CODDIQ (a de químicas) estanse movendo xa nese sentido e xa teñen un informe xurídico e un borrador de alegacións preparado.

En tanto a CODDI non redacta dito informe, dende a PGDEI instamosvos a todos a que fagades latentes as vosas reivindicacións ante esta acción, que desde aquí non podemos calificar máis que de “TRAIZÓN ÁS ENXEÑARÍAS EN INFORMÁTICA”.

Unha vez se teña o informe da CODDI publicarase para que se poida remitir ao Ministerio. Hoxe, máis ca nunca:

¡A LOITA CONTINUA, NON NOS RENDEREMOS, XAMAIS SEN LOITAR E SEN FACERNOS ESCOITAR!